No est mai tropu tardu po imparai a chistionai e scriri in Sardu – VI

Capìtulu 6

Fonemas e grafemas

Po detzidi comenti fai is arrègulas po scriri calisisiat lìngua, tocat a sciri cali funt is sonus de sa matessi. S’imbentàriu de is fonemas (sonus) de una lìngua si fait ponendi faci apari lobas mìnimas (coppie minime) de fueddus: chi mudendi unu sonu sceti de unu calisisiat fueddu ndi nascit un’àteru (sa chi si narat oponidura funtzionali) insandus cussus duus sonus funt duus fonemas diferentis e depint essi scritus cun sinnus diferentis (grafemas).

Esemprus:
1. mudamentu de vocali:
italianu sole/sale, sardu campidanesu soli/sali:
o e a funt duus fonemas diferentis;
2. mudamentu de consonanti:
italianu luce/nuce, sardu campidanesu luxi/nuxi:
l e n funt duus fonemas diferentis.

Candu su mudamentu de unu sonu no fait mudai su sentidu de su fueddu no nci at oponidura funtzionali, ma chistionaus de allòfonus:
italianu quando/quanno;
sardu campidanesu soli/sobi/soi/sohi/sorhi/solli/sòui/sògui
sardu campidanesu pani/panni/pãi/pã’i.
Is allòfonus amostant sceti sa pronùntzia diferenti de logu o dialetali de su pròpiu fonema.

De is fonemas a is grafemas.
In totu is lìnguas chi tenint unu standard ofitziali si scriint a manera diferenti sceti is sonus chi tenint stadus de fonema (est a nai chi faint nasci oponidura funtzionali), in s’interis chi is allòfonus depint tenni una grafia sceti, sa de su standard subradialetali: est po cussu chi in italianu si depit scriri quando, in s’interis chi su dialetali *quanno (chi no est àteru che un’allòfonu) no est currègiu (mancai at a fai a dd’imperai in sa poesia dialetali).

Po su sardu sa chistioni no est aici fàtzili poita ca no nci at unu standard subradialetali chi si siat impostu a solu o dd’apant impostu po lei, po cussu is intzimias (motivi) de su sceberu no funt acodixadas (codificate): parit perou bastanti craru ca is prus critèrius de sighiri iant a depi essi custus: 1. fidelidadi a s’etimologia, 2. prus spondidura (diffusione) o primori (prestigio), 3. fatzilidadi a essi cumprèndiu de su prus nùmuru mannu de fueddadoris.

Po is esemprus inditaus asuba, si cumprendit ca soli e pani arrespundint a totu e is tres printzìpius amostaus duncas ant a essi su standard, in s’interis chi is àteras grafias ant a essi cunsideradas dialetalis e duncas de no imperai in cuntestus ofitzialis o formalis. S’ùnica àtera grafia chi s’at a podi allogai in su primu atopu (primo caso) at a essi sa chi apoderat oponidura funtzionali cun soli poita ca fait nasci un’àteru fueddu, est a nai solli, cun sentidu de solere, esser solito (infiniu de su verbu), chi at a essi po cussu scritu a consonanti allobada.

Custus matessis crìterius, chi giai de meda is cantadoris campidanesus ant imperau in sa poesia insoru, funt is chi ant ghiau su Comitau Scientìficu chi at apariciau is Arrègulas po sa Norma Campidanesa chi apu a inghitzai a amostai in su capìtulu chi benit.

sighit…

Stèvini Cherchi
No est mai tropu tardu…
[Premissa]      [Capitulu 1]
[Capitulu 2]    [Capitulu 2 Bis]
[Capitulu 3]    [Capitulu 4]
[Capitulu 5]

Annunci

4 risposte a “No est mai tropu tardu po imparai a chistionai e scriri in Sardu – VI

  1. Pingback: No est mai tropu tardu po imparai a chistionai e scriri in Sardu – VII | mogoresbook

  2. Per rispondere all’ultimo commento.
    Purtroppo l’impressione che spesso risulta da queste diatribe, è che la lingua sarda sia più un esercizio di retorica riservato agli esperti più che una lingua viva.
    Sarebbe bello se qualche volta si evitassero sterili polemiche e si spendessero le proprie energie per cercare di diffondere il sardo anzichè dedicarsi a preservarlo in una forma pura e immutabile.
    Questa comunque è solo la mia modesta opinione.
    Con rispetto,
    Mirko

    Mi piace

  3. Pingback: Dopo Napo, i Sassaresi invitano Cherchi | Bolognesu

  4. Pingback: Ainas po su sardu – 4 « Stèvini …su chercu

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...