No est mai tropu tardu…

No est mai tropu tardu…
po imparai a chistionai e scriri in sardu

Premissa

Sa lìngua de bratzolu (lìngua-mama) de is mogoresus, assumancu finsas a su 1950, fut su sardu, fueddau che a lìngua ùnica de sa majoria manna de sa populatzioni; oindii, comenti oramai apetotu in Sardìnnia, custa lìngua sunfrit de su grandu perìgulu de si sperdi. Me is ùrtimus 60 annus difatis sa lìngua italiana, gratzias a sa scolarisadura pretzisa (obbligatoria), a sa presèntzia sua prenidora (pervasiva) de totu is mèdius de comunicadura (mass media) e a su sentidu (percezione) de su sardu che a lìngua “bàscia” o de dialetu, chena primori (prestigio) e arrennèscida sotziali, intzimia (contrassegno) de nioràntzia e arestùmini, dd’at arremprasau (sostituito) in sa trasmissioni intra is genias (generazioni) e nd’abarrat oindii no prus che un’arrastu, a “mancia de liopardu”, in tzertas comunidadis de is logus internus e de seguru est giai in totu spèrdia in sa comunidadi de bidda nosta.

Su sardu duncas, a bortas finsas me is bècius, est abarrau cungiau (rinchiuso) sceti me is imperus (utilizzi) de famìllia e de is momentus privaus, biendi-sì imburdau assumancu in parti su lèssicu santzeru, arremprasau de prus in prus cun italianismus noeddus (recenti); e po cussu s’est biu finsas “scancellai” totu cussas bisuras (aspetti) culturalis chi issu portàt (maneras de nai, dìcius [proverbi], cantzonis, cantzoneddas e mutetus, anninnias, cantus de traballu e de festa, atìtidus, giogus, contus de forredda, pregadorias, nòminis de is logus e de sa genti, po no nai de totu is ainas [strumenti] e maneras de fai acapiadas a is traballus de su connotu [tradizione] de sa genti de bidda).

Po cussu est pretzisu a ddu depi torrai a cuberai (recuperare), pruschetotu po is giòvunus chi oindii ddu intendint chistionai forsis de is bècius sceti, mancai de is ajajus, ca babus e mamas dd’ant lassau a perdi de diora.

E chi sa scola trigat ancora a ddu biri intrai intra is matèrias de stùdiu (antzis, che a lìngua “veicolari”, est a nai de s’imperu normali po totu is matèrias chi si stùdiant, comenti iat a consillai sa lei de su stadu 482/1999 asuba de is minorias linguìsticas stòricas), insaras est pretzisu chi assumancu is mèdius de comunicadura de massa chi ddu podint fai (e s’Arretza [internet] est una de cussus) donint su contributu insoru a custa càusa de importu mannu po s’identidadi nosta e finsas po su sètiu (assetto) econòmicu e sotziali de su pòpulu nostu, gia chi podeus nai ca chini no sciit a chini est, est fàtzili chi àteras economias fortis stràngias ddi potzant imponni mollus de strobeddu (modelli di sviluppo) econòmicus  stràngius etotu e in totu scapiaus de sa stòria, sa cultura, s’economia nosta, in d-unu fueddu, de su chi est mellus po nosu e chi fait sceti is interessus de chini s’imponit is sceberus insoru.

M’iat a praxi duncas, aprofetendi de su logu chi mogoresbook mi lassat, de donai unas cantu ainas a chini est interessau, po imparai a scriri e ligi su sardu (in sa bariedadi campidanesa), pruschetotu po fai biri comenti sa pronùntzia de sa bariedadi naturali mogoresa (chi est in sa suta-bariedadi ocidentali de su campidanesu) depit essi “normalisada” in d-una bariedadi campidanesa subra-dialetali chi potzat essi cumprèndia e arricia de totus is chi bivint in su cabebàsciu de Sardìnnia, de Aristanis a Crabonaxa (Villasimius) e de Teulada a Lotzorai.
Po chini est interessau custas Arrègulas ddas podit agatai in custu link:
arregulas de su sardu
(in PDF, circa 5 MB)

sighit…

Stèvini Cherchi

Annunci

10 risposte a “No est mai tropu tardu…

  1. Pingback: No est mai tropu tardu po imparai a chistionai e scriri in Sardu – VII | mogoresbook

  2. Pingback: No est mai tropu tardu po imparai a chistionai e scriri in Sardu – V | mogoresbook

  3. Pingback: No est mai tropu tardu po imparai a chistionai e scriri in Sardu – V | mogoresbook

  4. Pingback: No est mai tropu tardu po imparai a chistionai e scriri in Sardu – IV | mogoresbook

  5. Pingback: No est mai tropu tardu po imparai a chistionai e scriri in Sardu – III | mogoresbook

  6. Pingback: No est mai tropu tardu po imparai a chistionai e scriri in Sardu – II | mogoresbook

  7. Pingback: No est mai tropu tardu po imparai a chistionai e scriri in Sardu | mogoresbook

  8. Pingback: No est mai tropu tardu po imparai a chistionai e scriri in Sardu | mogoresbook

  9. Beni fatu piciocus!

    Mi piace

  10. Pingback: Ainas po ligi e scriri in sardu « Stèvini …su chercu

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...